کندز کې په ۱۲۰ مالدارانو نغدې پيسې وويشل شوې
۲۷ زمری ۱۴۰۱ه.ش
۲۰ محرم الحرام ۱۴۴۴ ه.ق
د کندز ولايت د کرني، اوبولګولو او مالدارۍ رياست
د (DCA) دفتر په همکارۍ، د وړيو او کشمېرې څانګو له پاره د څارويو خوراکي توکو او اړينو درملو پېرلو په موخه پر ۱۲۰ مالدارانو نغدې پيسې وېشلي دي.
دغه مرستې د کندز ولايت د علي اباد په ولسوالی کې پر ۱۲۰ مالدارانو وېشل شوې، چې په ترڅ کې يې هر مالدار ته ۳۵۲۰افغانۍ ورکړل شوي دي.
ددغو مرستو موخه د مالدارانو ملاتړ او د کشمېرې او وړيو د صنعت پراختيا ته زمينه برابرول دي.
