لوګر کې د دولتي ځمکو دغصب مخنیوي کمېټې اونیزه غونډه دائره شوه

۱۵ چنګاښ ۱۴۰۱ ه‍.ش
۷ ذوالحجَّة ۱۴۴۳ ه‍.ق
د لوګر دکرنې، اوبولګولو او مالدارۍ ریاست کې د دولتي ځمکو د غصب مخنیوي په پار د یادې کمېټې اونیزه غونډه دائره شوه. په دې غونډه کې د لوګر د کرنې رییس مولوی سید امین هاشمي، د مقام دفتر رییس مولوی میرویس،د غصب د مخنیوي کمېټې غړو او د مرکز اوړند آبچکان سیمې قومي استازو ګډون درلود.
په دې غونډه کې، د غصب مخنیوی کمېټې غړو د آبچکان دښتې سندونه په ګډه ناسته کې وڅېړل او تر څنګ یې د قومي مشرانو آندونه(نظرونه) واورېدل.
په پای کې پرېکړه وشوه، چې په یاده دښته کې به ټولې دولتي او شخصي ځمکې د اسنادو او نقشي مطابق معلوم شي، شخصي به شخص او دولتي به دولت ته سپارل کېږی.
یاده غونډه کې، دغه راز د غصب شویو املا کي  یا دولتي ځمکو  اړونده بحث اوهر اړخیزه معلومات وړاندې شول.
باید وویل شي، چې د دولتي ځمکو له غصب سره د مبارزې کمیټه د لوګر ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده چې مشري یې د لوګر دکرنې ریاست کوي.