پکتیا، منډه هېر سیمه کې د سیلانیانو اړتیاوو برابرولو په پارهلې ځلې
۱۲ چنګاښ ۱۴۰۱ ه.ش
۴ ذوالحجَّة ۱۴۴۳ ه.ق
د پکتیا دکرنې، اوبولګولو او مالدارۍ ریاست، ددې ولایت په منډ هېر سیمه کې سیلانیانو لپاره د لومړنیو اړتیاوو برابرولو په پار مشورتي غونډه وکړه. دغه غونډه چې د پکتیا دکرنې رییس مولوی عبدالرؤف سعید په مشرۍ جوړه شوې وه د کرنې، چاپېريال ساتنې، ښاروالۍ، پوهنتون، اطلاعاتو او کلتور او اراضي رياستونو مسولينو په کې ګډون کړی وو.
په ياده عونډه کې د ګډونوالو له لورې په ياده سيمه کې د سیلانیانو په لومړنيو اړتياوو مفصل بحثونه ترسره او د يادې سيمې د ساتنې، بيارغونې، مدیریت، د سیلانیانو د تنظيم او د خطرونو د مخنيوي په موخه هر اړخيز نظرونه هم شريک شول.
په دې ناسته کې دغه راز، د پارک جوړونې لپاره د شته امکاناتو او سرچینو په اړه هم خبرې اترې وشوې او په ياده برخه کې د خصوصي سکتور د کار او فعاليت په اړه هم نظرونه تبادله شول.
په ياده ناسته کې د ګډونوالو له لورې د قرارداد ګټوونکي شرکت د چارو په تنظیم او د هغوی د کړنو پر څارنې مفصلې سلا مشورې شريکې شوې، ترڅو د قرارداد له مخې د سيمې سیلانیانو ته لازمې اړتياوې برابرې شي.
د يادولو وړ ده، چې ياده سيمه د لنډې مودې لپاره په قرارداد ورکړل شوې، ترڅو په سيمه کې سیلانیانو ته لومړنۍ اړتياوې برابرې شي.
