زابل کې یوشمېر حیواني او نباتي درملتونونه وڅارل شول
د زابل د کرنې، اوبولګولو او مالدارۍ ریاست په دې ولایت کې د حیواني او نباتي درمل پلورنځیو او مرکزونو څخه د یوه ګډ پلاوي په حضور کې څارنه او ارزونه وکړه.
په دغه څارنه کې د حیواني او ګیاوو درملتونونو څارنه، د بې کیفیته او تاریخ تېرو درملو تشخیص، د درملتونونو او وترنریو پاکوالۍ او د اقتصاد وزارت د قوانینو پر اساس د درملتونونو جوازونو څارل شامل دي. دغه څارنه مالدارانو ته د معیاري چوپړونو د وړاندې کولو په پار ترسره شوي دي.
یاده څارنه او ارزونه ددې لامل کېږي چې، درملتونونه او د وترنرۍ د برخې فعالین خپلو مشتریانو ته معیاري او په ښه کیفیت برابر چوپړتیاوې وړاندې کړي.
