ننګرهار؛ په ۱۵۰ بزګرانو د جوارو تخمونه او کیمیاوي سرې ووېشل شول
د ننګرهار د ننګرهار د کرنې، اوبولګولو او مالدارۍ ریاست سره په همغږۍ د« UNDP» مؤسسې په مالي لګښت او د افغانستان لپاره د هالنډ کميټې په تخنیکي همکارۍ د دې ولایت د سپین غر ولسوالی د 6 شوراګانو 150 تنه بزګرانو ته د جوارو هایبریډ تخمونه، کیمیاوي سرې، دوا پاش او کرنیز وسایل د یوې غونډې په ترڅ کې د ننګرهار د کرنې ادارې د مرستیال قاري فضل الرحمن صادق له لوري ووېشل شول.
په دې اړه جوړه شوې غونډه کې د ننګرهار دکرنې ادارې مرستیال بزګرانو ته د تخمونو په کر، د وسایلو څخه په سمه توګه ګټه اخیستل او د سرو او نباتي درملو د استعمال په اړه لازمې سپارښتنې وکړې.
همدا راز د UNDP او د افغانستان لپاره د سویډن کمېټې څخه یي په نورو ولسوالیو کې د ورته پروژو د تطبیق غوښتنه وکړه.
د یادونې وړ ده، چې پدغه غونډه کې د UNDP استازي، د سویډن کميټې استازي، د ولسوالی مرستیال، قومي مشرانو او ځوانانو ګډون درلود.
