د مالدارۍ سکټور خوندیتوب او پراختیا؛ پکتیکا کې یې په پار هڅې چــټکې شوي

۶ سلواغه ۱۳۹۹
د پکتیکا ولایت د کرنې، اوبولګولو او مالدارۍ ریاست چارواکي وایي، چې د یاد ولایت د مالدارۍ سکټور د پیاوړتیا او وضعیت د لا ښه کېدو په پار یو لړ پراګرمونه او برنامې تر سره شوي دي.
د پکتیکا د کرنې ریاست د چارواکو په وینا د یاد ولایت په مرکز او اړوندو ولسوالیو کې د مالدارۍ سکټور په پار ګڼې برنامې پلي کړي دي، چې له هغې ډلې، په مرکز شرنه او ۱۶ ولسوالیو کې د ډول ډول څارویو وقایه او درملنه، په ۱۰ مرکزونو کې د مصنوعي القاح له لارې د شېدو غواوو د نسل اصلاح، د حیواني محصولاتو د کنترول په موخه دوامداره څارنه، عامه پوهاوی، د ګانګو ناروغۍ د مخنیوي په پار د دوا پاشي پروګروام پلي کول، دبرسلوز او طاعون ناروغۍ دوقایې په پار د واکسینونو پلي کول او ګڼ نور فعالیتونه هغه څه دي، چې د پکتیکا د کرنې ریاست له خوا مالدارنو ته د ښو خدمتونو په پار ترسره شوي دي.
د پکتیکا د کرنې ریاست ددې ولایت د مالدارۍ سکټور د پیاوړتیا په پار هڅې کوي تر څو په یاد ولایت کې د مالدارۍ سکټورخوندي، د ناروغیو کچه ټیټه، د څارویو محصولات ډېر او د مالدارنو شته ستونزې راکمې کړي.