د قزاقستان ۳۰ واګونه مرسته شوي خوراکي توکي بلخ ته ورسېد
۲۶ غبرګولی ۱۳۹۹
د بلخ د کرنې، اوبولګولو او مالدارۍ ریاست وایي، چې د قزاقستان هېواد ۳۰ واګونه مرسته شوي خوراکي توکي یاد ولایت ته ورسېدل.
په دغو مرسته شویو توکو کې ۲۱ واګونه اوړه او ۹ واګونه ماکاروني شامل دي، چې د لېرپټلۍ له لارې د حیرتان بندر ته رسېدلي دي.
ټاکل شوې، چې دا مرسته شوې توکي به ډېر ژر د بلخ ولایت د پېښو پر وړاندې د مبارزې د ریاست په واک کې ورکړل شي.
