کندهار کې د مالدارۍ د ودې په پار پروژې پلي کیږي
۲۸ وری ۱۳۹۹
د کندهار د کرنې، اوبولګولو او مالدارۍ ریاست وایي، چې ددې ولایت د بولدک ولسوالۍ د مالدارۍ د ودې په پار د لس میلیونه افغانیو په ارزښت پروژې پلي کیږي.
دغه پروژه، چې د کرنې وزارت د طبیعي سرچینو د لوی ریاست له خوا پلي کیږي، د کندهار د بولدک ولسوالۍ د ځایي مالدارانو او کوچیانو د مالدارۍ د ودې په پار په کې، د مالدارانو څارویو لپاره خاورینه حوضونه او د څړځایونو بیارغول شامل دي.
ددې پروژې لومړی پړاو په نهه میاشتو کې پلي کیږي، چې ۱۰ زره څړځایونه تر پوښښ لاندې نیسي.
ددې پروژې پلي کول په دې سیمه کې د مالدارۍ د ودې ترڅنګ د مالدارانو د عوایدو د زیاتوالي لامل هم کیږي.
