کندهار کې د اوبولګولو د یو چکډم د جوړولو چارې بشپړ شو
۲۷ وری ۱۳۹۹
د کرنې، اوبولګولو او مالدارۍ وزارت د کندهار ولایت د ارغستان ولسوالۍ بزګرانو ته د اسانتیاوو برابرولو په پار د اوبولګولو د یو چکډم د جوړولو چارې بشپړ او ګټې اخیستنې ته چمتو کړی دی.
د کندهار ولایت د کرنې، اوبولګولو او مالدارۍ ریاست چارواکي وایي، چې یاد چک ډم د ارغستان په ولسوالۍ کې شتون لري، چې ۷ کیلو متر مربع پراخوالی لري او د ۴۷ زره مترمکعب اوبو د زېرمه کولو وړتیا لري. دغه چکډم د ارغستان ولسوالۍ د شپږ کلیو ۱۵ زره جریبه ځمکه خړوبوي. یاد چک ډم د کرنې وزارت له پراختیایي بودیجې څخه د اته میلیونه افغانیو په لګښت جوړ او ګټې اخیستنې ته چمتو شوی دی.
د کندهار ولایت د کرنې، اوبولګولو او مالدارۍ ریاست چارواکي وایي، چې ددې پروژې په پلي کېدو سره به د باران اوبه کنټرول شي او د ځمکې د سطحې پر اوبو به هم ښه اغیز ولري، ددې ترڅنګ د کاریزونو او څاګانو په اوبو به هم اغېز کوي د کوچیانو مالونو ته هم اوبه چمتو کوي او د خاورې د تخریب مخه نیسي.
