میدان وردګ کې څه باندې ۱۵۰ زره نیالګي اېښودو ته چمتو دي
۲۱ کب ۱۳۹۸
د میدان وردګو ولایت د کرنې، اوبولګولو او مالدارۍ ریاست د کب شلمه، د نیالګیو اېښودو ملي ورځې په لمانځ غونډه کې وویل، چې له نن څخه په دې ولایت کې د نیالګیو اېښودو کمپاین پیل شوی او ددې کمپاین په ترڅ کې به د میدان وردګو په مرکز او ولسوالیو کې څه باندې ۱۵۰زره مېوه لرونکي او بې مېوې نیالګي کېنول شي.
د میدان وردګو ولایت د کرنې ریاست ددې ولایت له خلکو غواړي، چې په دې کمپاین کې ونډه واخلي او د ونو او نیالګیو ساتنې او څارنې ته ځانګړې پاملرنه وکړي.
