۱۱ کب ۱۳۹۸
د پکتیا د کرنې، ابولګولو او مالدارۍ ریاست د «IRC» موسسې په همکارۍ ددې ولایت د احمداباد او سیدکرم ولسوالیو پر ۱۰۰ نارینه او ښځینه بزګرانو د کورنیو باغچو اړوند ۱۵ توکي وېشلي دي.
د کورنیو باغچو اړونده دا توکي د غیر موسمي سبو د تولید، مېرمنو ته د کارموندنې، د مېرمنو ونډه د دوی د کورنیو په اقتصادي غوړېدا او د خوراکي تنوع په پار پر دغو بزګرانو وېشل شوي دي.
د پکتیا ولایت د کرنې، اوبولګولو او مالدارۍ رییس انجنیر محمد الدین مومند وایي، چې د دغو توکو له وېشلو څخه موخه، د غیرموسمي سبو کښت او تولید دي چې، په عملي کېدو سره یې مېرمنو ته د کار زمینه برابره او د دوی د کورنیو د اقتصادي ودې لامل کیږي.
د کورنیو باغچو اړونده دغه توکي د پکتیا ولایت احمداباد او سیدکرم ولسوالیوکې پر ۱۰۰ نارینه او ښځینه بزګرانو وېشل شوي دي.
سربېره پر دې، چې دغه کورني باغچې د بې وزلو او بې سرپرستو مېرمنو لپاره د عاید ښه سرچینه ده، په کورنیو کې د خوراکي تنوع ښه عامل هم کڼل کیږي.