کندهار کې زرګونه کوچنیو څارویو ته د داخلي پرازیټونو مخنیوی په موخه د درمل ورکولو کمپاین پیل شو

۳۰ وری ۱۴۰۵ه‍.ش
۲ ذُو ٱلْقَعْدَةِ ۱۴۴۷ه‍.ق
د کندهار دکرنې، اوبو لګولو او مالدارۍ ریاست له لوري، د مالدارۍ آمریت په تخنیکي همکارۍ د کندهار ښار او ۱۶ ولسوالیو کي د ۶۱۰ زره ۸۰۰ کوچنیو څارویو لپاره د داخلي پرازیټونو مخنیوي په موخه د درمل ورکولو کمپاین پیل شو. 
په دې کمپاین کې د کندهار ښار ترڅنګ غورک، لوړ میوند، کښته میوند، لوړ شاولیکوټ، کښته شاولیکوټ، خاکریز، سپین بولدک، دامان، ډنډ، ژړۍ، پنجوایي، ارغنداب، معروف، ریګستان، ارغستان او ښورابک ولسوالۍ شاملي دي. چې په هره ولسوالۍ کي به ټاکل شوي شمېر څاروي درمل شي.
د کندهار دکرنې او مالدارۍ ریاست د چارواکو په وینا د دې کمپاین موخه په څارویو کي د داخلي او خارجي پرازیټونو د ناروغیو مخه نیول، د څارویو روغتیا او صحت لپاره وقایوي تدابیر نیول او د مالدارانو اقتصادي ملاتړ دي. 
د یادونی وړ ده، چي یاد کمپاین به د ولسوالیو مسلکي کسانو له لوري تطبیق شي، چي د ۶ اوونیو په اوږدو کي به یي ټولي چاري بشپړې شي.