د خوست صبریو او یعقوبیو ولسوالی کې لسګونو بڼوالو سره د اړینو توکو مرسته وشوه
۲۲ سلواغه ۱۴۰۴ه.ش
۲۳ شَعبان المُعَظّم ۱۴۴۷ه.ق
د خوست ولایت د کرنې، اوبو لګولو او مالدارۍ ریاست اړوند د صبریو او یعقوبیو ولسوالی د کرنیزو چارو مدیریت تر څار لاندې او د «ویرو» مؤسسې په همکارۍ ۵۰ بڼوالو ته د بڼوالۍ تخنیکي توکي او د سبو ۱۱ قلمه تخمونه ووېشل شول.
په دې مرستو کې هر بڼوال ته بېلچه، کولنګ، رمبی، خېشوه (سکو)، پیپه، د اوبو سطل، د سبو لپاره پلاستیک، درې دانې د لوازمو لاستي او یو جوړ زمینداري جامې ورکړل شول.
یادې مرستې د بڼوالۍ ودې، د بڼوالو د مسلکي وړتیاوو لوړولو او د کرنیزو حاصلاتو د زیاتوالي په موخه په شفاف او منظم ډول ووېشل شوې.
د خوست د کرنې، اوبو لګولو او مالدارۍ ریاست ژمن دی، چې د بزګرانو او بڼوالو د ملاتړ لړۍ به لا پیاوړې کړي.
