پکتیکا کې د کانګو وینه بهېدونکې تبې د مخنیوي کمپاین پیل شو

۱۰ غبرګولی ۱۴۰۴ ه‍.ش
۳ ذُو الحِجَّةِ ۱۴۴۶ه‍.ق
د پکتیکا د کرنې، اوبو لګولو او مالدارۍ ریاست لخوا د کانګو تبې وینه بهېدونکې ناروغۍ د مخنیوي په موخه یاد ولایت کې کمپاین پیل شو.
د پکتیکا ولایت د کرنې، اوبو لګولو او مالدارۍ ریاست چارواکي وویل، چې د دغه کمپاین په لړ کې به زرګونه څاروي، غوجلې او د څارویو پېر- پلور ځایونه دواپاشي شي.
دوی زیاته کړه، چې دا پروګرام د سیمه ییزو وترنر ډاکترانو په مرسته پليکېږي، چې ډاکترانو ته د کانګو تبې ضد درمل، دواپاشي پمپونه، او د حفظ الصحې اړوند وسایل برابر شوي، تر څو د ناروغۍ د خپرېدو مخه ونیول شي.
کانګو تبه یوه خطرناکه وېروسي ناروغي ده، چې د کنو له لارې د څارویو او انسانانو ترمنځ انتقالېږي. 
د میدان وردګو د کرنې ریاست رهبرۍ د انسانانو خوندیتوب او د ناروغۍ د پراخېدو د مخنیوي په موخه دا ډول کمپاینونه ګټور بولي او نورو ولسوالیو ته یي د غځولو غوښتنه هم وکړه.