د بېوزله کورنیو اقتصادي پیاوړتیا ته عملي ګامونه؛ لوګرکې پر لسګونه بېوزله کورنیو د روب جوړولو وسایل ووېشل شول
۶غبرګولی ۱۴۰۴ ه.ش
۲۹ ذُوٱلْقَعْدَةِ ۱۴۴۶ه.ق
د لوګر دکرنې، اوبولګولو او مالدارۍ ریاست په تخنیکي او د خوړو خوندیتوب پروژې په مالي ملاتړ د لوګرو لایت د محمدآغې ولسوالی کې پر ۸۰ بېوزله کورنیو د مېوو او سبو د پروسس اړین توکي ووېشل شول. یادې کورنۍ له وړاندې د پروسس په برخه کې په څلورو جلا ګروپونو کې تنظیم شوې وې.
د وېشل شویو وسایلو په کڅوړه کې، هرې کورنۍ ته ۳۶۰ غټ او ۱۸۰ واړه بوتلونه ورکړل شول، څو وکولای شي پروسس شوي کرنیز محصولات پکې وساتي.
د وسایلو د وېش دغه ځانګړې غونډه د محمدآغې ولسوالی د ولسوال مولوي محمد عظیم راشد، د کرنیزو خدماتو مدیر قاري اکرامالله حکیمي، او د ترویج مدیر ښشیرینمحمد دولتزوی په ګډون ترسره شوه.
د محمدآغې ولسوال مولوي محمد عظیم راشد ګډونوالو ته وویل، چې باید له ورکړل شویو وسایلو څخه اغېزمنه استفاده وشي، څو د کورنیو اقتصاد پیاوړی شي. نوموړي له اړو کسانو سره د دوامداره مرستو د راجلب ژمنه هم وکړه.
د یاد پروګرام موخه په محمدآغې ولسوالی کې د بېوزلو کورنیو ملاتړ، د ښځو اقتصادي پیاوړتیا، ښځو ته د کور دننه د کار زمینه برابرول، او د کرنیزو حاصلاتو د ضایع کېدو مخنیوی ښودل شوی دی.
