د هلمند مرکز لښکرګاه کې له حیواني درمل پلورنځیو څارنه وشوه
۱۲ کب ۱۴۰۳ه.ش
۲ رَمَضانُ المُبارَک ۱۴۴۶ه.ق
دهلمند ولایت دکرنې، اوبولګولو او مالدارۍ ریاست اړوند د مالدارۍ او حیواني روغتیا آمر مولوي محمدعمر ابویاسر او اړوند کارکوونکو له لوري مرکز لښکرګاه کې له حیواني درمل پلورنځیو څخه نظارت او څارنه تر سره شوه.
دیادې څارنې په ترڅ کې د حیواني درملو پلورنځیو جوازونه، د درملو کیفیت او تاریخونه وکتل شول او یوه اندازه تاریخ تېر او بې کیفیته درمل راټول شول.
همدارنګه حیواني درمل پلورونکو ته سپارښتنه وشوه، چې د خپل کار او فعالیت قانوني جوازونه ترلاسه کړي، ترڅو چارې یې په اصولي ډول پر مخې ولاړې شي.
