د ننګرهار سره رود کې د بې کیفیته استراګانو مخنیوي په موخه کمپاین ترسره شو
د ننګرهار د کرنې، اوبولګولو او مالدارۍ ریاست په لارښونه مالدارۍ امر ډاکتر محمد ضمیر بهسودي په مشرۍ ګډ پلاوي داستراګانو کیفیت معلومولو په موخه د سره رود ولسوالۍ کې کمپاین ترسره کړ.
د ننګرهار د کرنې رییس مولوي محمد ولي محسن وویل، چې مالدارۍ امریت ګډ پلاوي استراګانو کیفیت، کانټینرو کنټرول، حفظ الصحي ،تقلبي او تاریخ تېرو استراګانو کنترول او څارنه ترسره کړه.
د کرنې رییس وویل، چې دوی هڅه کوي یاد کمپاین د ننګرهار په ټولو ولسوالیو کې پلي کړي؛ چې په پایله کې به یې باکیفیته او غوره نسلونو لرونکي استراګاني تطبیق شئ ترڅو مالداران په راتلونکي کې د خپلو مالونو څخه باکیفیته او د زیات محصول ورکونکي نسلونه ترلاسه او پدي سره به په کلیوالې کچه دمالدارانو اقتصاد پیاوړي شي.
دغه راز استراګانو پلورونکو او تطبیق کوونکو ته د غوره او ښو استراګانو تطبیق او د بی کیفیته او تقلبي استراګانو د نه تطبیق سپارښتنې وشوې.
