د کرنې وزارت د اراضۍ لوی رياست لخوا تراسپورت او هوايي چلند وزارت ته ځمکه ولېږدول شوه
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د ترانسپورت او هوايي چلند وزارت د مالي او حسابي څانګې متخصص حزب الله حميدي ګډون درلود، د کرنې وزارت د اراضۍ لوی رياست لخوا تراسپورت او هوايي چلند وزارت ته ځمکه ولېږدول شوه.
ياده ځمکه د ترانسپورت او هوايي چلند وزارت په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا ياد وزارت ته غور ولايت دولت يار او فيروز کوه ولسواليو کې په نږدې ۴۲ جريبه ځمکه باندې د ترمينل او بنادر د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ لوی ریاست د ځمکو د انتقال او وېش رییس مولوي سید محمد سعيد او د ترانسپورت او هوايي چلند وزارت د مالي او حسابي څانګې متخصص حزب الله حميدي ترمنځ لاسلیک شوه.
