فراه کې د عنابو د ۱۰ بڼونو جوړولو چارې پیل شوې
۱۷ سلواغه ۱۴۰۳ه.ش
۶ شَعبان المُعَظّم ۱۴۴۶ه.ق
د فراه ولایت د کرنې، اوبولګولو او مالدارۍ ریاست له لوري په بالابلوک، پشت رود او خاکسفید ولسوالیو کې د عنابو د ۱۰ بڼونو جوړولو چارې پیل شوې.
د یاد پروګرام پر اساس، هر بڼوال ته ۱۶۶ د عنابو نیالګي، سمپاش، اره، بیاتي او مانو ووېشل شول او ترڅنګ یې د بڼوالۍ اړوند روزنه هم ورکړل شوه.
یاد بڼونه د کرنې، اوبولګولو او مالدارۍ وزارت د پراختیايي بودیجې له لارې، چې ټولیز لګښت یې ۱۵۶ زره او ۹۰۰ افغانۍ دی، جوړېږي. د دې پروژې موخه د بڼوالۍ سکتور پراختیا او ملاتړ دی.
