یحی خېلو ولسوالی ته د پکتیکا دکرنې رییس سفر
۱۱ سلواغه ۱۴۰۳ه.ش
۱ شَعبان المُعَظّم ۱۴۴۶ه.ق
د پکتیکا دکرنې، اوبولګولو او مالدارۍ رییس مولوي محمدزمان عمري، په داسې حال کې چې د اراضۍ آمریت آمر مولوي تاج محمد م خلص یې ملتیا کوله؛ یحی خېلو ولسوالۍ ته د سفر په ترڅ د امارتي ځمکلو دغصب مخنیوي او د بزګرانو او مالدارانو د ستونزو د هوارو په پار خلکو او اړوندو چارواکو سره خبرې اترې وکړې.
ددې سفر په ترڅ کې ښاغلي عمري د یحی خېلو ولسوالی دکرنې مدیرانو ته د ځمکې د غصب مخنیوي او بزګرانو او مالدارانو ته د غوره چوپړتیاوو وړاندې کولو سپارښتنه وکړه او د دوی ستونزې او وړاندیزونه یې هم واورېدل.
د پکتیکا دکرنې ریاست هلې ځلې کوي، چې د بزګرانو او مالدارانو ستونزې له نږدې وڅاري او ورته حل لار پیدا کړي.
