د کرنې وزارت د اراضۍ لوی رياست له خوا د پوهنې وزارت ته ځمکه انتقالېږي 

۱۸ مرغومې ۱۴۰۳ه‍.ش
۷ رَجَب المُرَجَّب ۱۴۴۶ه‍.ق
د کرنې، اوبولګولو او مالدارۍ وزارت د اراضۍ لوی رياست له خواه د پوهنې وزارت ته د ۴۹جريبه ځمکې لېږد تړون لاسليک شو.
یاده ځمکه د کرنې وزارت د اراضۍ ریاست د ځمکو د انتقال او وېش رياست د وړانديز او د عالیقدر امیرالمؤمنین (حفظه الله تعالی) د حکم په اساس د کندهار ولايت د ژېړي په ولسوالی کې په ۴۹ جريبه ځمکه باندې د يو باب ديني مدرسې د جوړولو په موخه د اراضۍ لوی رياست لخوا پوهنې وزارت ته انتقال شوه.
د يادې ځمکې لېږد تړون د کرنې وزارت اراضۍ ادارې د ځمکو د انتقال او وېش رییس مولوي سيد محمد سعيد او د پوهنې وزارت د ملکیتونو آمر احمد محی الدين عادلیار ترمنځ لاسلیک شو.