خوست کې د څارویو د واکسین کمپاين پیل شو
۴ مرغومې ۱۴۰۳ه.ش
۲۲ جُمَادَى الثاني۱۴۴۶ه.ق
د خوست ولایت کرنې، اوبو لګولو او مالدارۍ ریاست د مالدارۍ او د څارویو روغتیا آمریت لخوا د خوراک او کرنې نړیوال سازمان ایف اې او په همکارۍ، د واړه او غټو شخوند وهوونکو څارویو لپاره د واکسین کمپاین پیل شو.
د یاد کمپاین له مخې، ۱۰۰ زره مېږې او وزې د ځیګاکي (پي پي آر) پر وړاندې او ۱۶ زره غواګانې د طبق (ایف ایم ډي) ناروغۍ پر وړاندې واکسین کېږي. دا کمپاین به د خوست مرکز او د دې ولایت ټولو دولس ولسوالیو کې ترسره شي.
ځیګاکي (پي پي آر) او طبق (ایف ایم ډي) هغه خطرناکې ناروغۍ دي، چې د څارویو روغتیا او د مالدارانو اقتصادي وضعیت ته جدي زیان رسوي. د دې کمپاين موخه د ناروغیو مخنیوی او د څارویو روغتیا خوندي کول دي.
