د خوست نادرشاه کوټ کې پر ۲۲۱ مستحقو بزګرانو اصلاح شوي تخمونه او کیمیاوي سرې ووېشل شوي

۲ لړم ۱۴۰۳ه‍.ش
۲۰ رَبِیعُ الْثاني ۱۴۴۶ه‍.ق
د خوست ولایت د کرنې، اوبو لګولو او مالدارۍ ریاست تر چوکاټ لاندې د نادر شاه کوټ ولسوالی کرنیزو چارو عمومي مدیریت د «ان،اې،سي» مووسسې په همکارۍ په نادر شاه کوټ ولسوالۍ کې ۲۲۱ مستحقو بزګرانو ته د اصلاح شويو غنمو تخمونه او کیمیاوي سرې ووېشلې.
د دې وېش موخه د بزګرانو د حاصلاتو لوړوالی او کرنیزو فعالیتونو پیاوړتیا ده. چارواکي وايي چې د اصلاح شويو تخمونو وېش به د بزګرانو په اقتصادي وضعیت کې ښه والی راولي او د حاصلاتو کیفیت به لوړ کړي. 
 د «ان،اې،سي»  مووسسه، چې د کرنیزو پروژو په برخه کې کار کوي، په دې سیمه کې له کروندګرو سره د همکارۍ لپاره ژمنه ده او د یادو مرستو د دوام یادونه کوي.