د کندز والي د غصب د مخنیوي کمېسیون مشر او غړو سره وکتل
د کندز والي حاجي ملا محمدخان دعوت د غصب د مخنیوي کمېسیون مشر او غړو سره په خپل کاري دفتر کې وکتل. په دې ناسته کې د کمېسیون مسؤول الحاج مولوي محراب الدین "بلال" د خپلو فعالیتونو او شته ستونزو په اړه والي صاحب ته معلومات وړاندې کړل او د ولایت مقام څخه د همکاریو غوښتنه یې وکړه.
د کندز والي د کمېسیون فعالیتونه واورېدل او د ښاري ماسټر پلان د تطبیق په وړاندې شته ستونزې هم مطرح شوې. ښاغلي والي د ماسټر پلان تطبیق یوه مهمه اړتیا وبلله او د کمېسیون غړو ته یې مشوره ورکړه، چې د کندز ښاروالۍ سره په دې برخه کې لازمه همکاري وکړي.
