د کرنې وزارت مالي او اداري مرستیال د هلمند له څېړنیز فارم څخه لیدنه وکړه

۲ تله ۱۴۰۳ه‍.ش
۲۰ رَبِیعُ الْأَوَّل ۱۴۴۶ه‍.ق
دکرنې، اوبولګولو او مالدارۍ وازرت مالي او اداري مرستیال ملااغاجان اخند«حاجي سالم» هلمند ولایت ته د خپل سفر په ترڅ کې، په داسې حال کې، چې د هلمند دکرنې رییس مولوی نیازمحمد وهاج او یوشمېر نورو چارواکو یې ملتیا کوله په مرکز لښکرګاه کې د بولان څېړنیز فارم چارې وارزولې.
دیادې ارزونې پر مهال دهلمند د کرنې رییس لخوا د څېړنیز فارم د بېلابېلو برخو د د کارونو پرمختګ او څرنګوالي په اړه معلومات مالي او اداري مرستیال سره معلومات شریک کړل. 
همدارنګه د نوموړي فارم په بېلابېلو سیمو کې  له تجربوي قطعاتو او مورنیو تخمونو لیدنې وشوې. 
د کرنې وزارت مالي او اداري مرستیال د یاد فارم د چارو د لا ښه والي په پار اړوندو چارواکو ته لازمې لارښوونې او سپارښتنې وکړې.