د کندهار پنجوايي کې یوشمېر بڼوالو ته د بڼ جوړونې په هکله روزنه ورکړل شوه
د کندهار دکرنې، اوبولګولو او مالدارۍ ریاست د سولې بنسټ مؤسسې په تخنیکي همکارۍ ددې ولایت د پنجوایي ولسوالی یوشمېر بڼوالو ته د بڼ جوړونې او د بڼونو پالنې په هکله روزنیز پروګرام په لاره واچول شوه، چې په ترڅ کې یې یادو بڼوالو ته د بڼونو جوړولو او پالنې په برخه کې عملي او نظرې پوهاوی ورکړل شو.
ددې پروګرام په ترڅ کې یادو بڼوالو ته د بڼ جوړونې، ښاخبري کولو، حاصل راټولولو، د حاصل کیفیت ساتلو، بسته بندې، مارکیټ ته د حاصلاتو عرضه کولو او بازار موندنې په برخه کې روزنه ورکړل شوي دي.
ددې پروګرام موخه د بڼوالو وړتیاوې لوړول، د دوی اقتصادي ودې ته زمینه برابرول او په ټوله کې د بڼوالۍ سکټور ودې او پراختیا ته زمینه برابرول دي.
