ننګرهار کې د اسلامیک ریلیف مؤسسې د کړنو اروزنه وشوه
۱۱ وږی ۱۴۰۳ه.ش
۲۸ صَفَر المُظَفَّر ۱۴۴۶ه.ق
د ننګرهار د کرنې، اوبو لګولو او مالدارۍ ریاست په لارښوونه د کرنیزو خدمتونو امر مفتي عزیز الرحمن عزیز او د احصایي او ارقامو د تنظیم امر قاري سیلاب ذکریا د اسلامیک ریلیف مؤسسې شپږ میاشتنۍ کړني او فعالیتونو وارزول.
د احصایي او ارقامو د تنظیم امر قاري سیلاب ذکریا وویل اسلامیک ریلیف مؤسسه د ننګرهار په خوږیاڼو او شیرزادو ولسوالیو کې ۱۴۰۰ بزګرانو سره د غنمو اصلاح شوي تخمونو او کیمیاوي سرو مرسته کړېده؛ چې په هرې ولسوالۍ کې ۷۰۰ بزګران انتخاب شوي وو او د غنمو د کښت څخه تر حاصل ټولولو پوري روزنه هم ورکړل شوې ده.
ښاغلي ذکریا زیاته کړه په دواړو ولسوالیو کې د بزګرانو ۴۸ ګروپونه جوړ شوی چې هر ګروپ ته د تخمونو د کرلو ماشینونه هم ورکړل شوي.
نوموړی وویل د مني کښت اوبزګرانو پیاوړتیا په موخه ۱۴۰۰ بزګرانو سره ۲۵ کیلو توره او ۵۰ کیلو د سپیني سرې مرسته هم شوې ده.
دغه راز اسلامیک ریلیف مؤسسې د محصولاتو لپاره د بازارموندنې په موخه بزګران د مارکیټ او سوداګرو سره لینک کړیدي؛ چې کارونه یي د اصولو او قوانینو سره سم ترسره کړي دي.
