کندهار کې د لبنیاتو یو شمېر پلورنځیو څخه څارنه شوه
۱۶ زمری ۱۴۰۳ه.ش
۲ صَفَر المُظَفَّر ۱۴۴۶ه.ق
دکندهار مقام له خوا ګمارل شوې کمېټه چې په کې د کندهار کرنې ریاست، د ګمرک ریاست د عامې روغتیا ریاست، صنعت اوسوداګرۍ، امربالمعروف او نهي عن المنکر ریاست، د علماوو شورا ریاست او د کندهار ښاروالۍ ریاست استازي په کې شامل دي ددې ولایت په بېلابېلو ناحیو کې د لبنیاتو پلورنځیو له یوشمېر هټیو څخه څارنه ترسره کړه.
په دغې څارنه کې د لبنیاتو پلورنځيو مسؤولینو ته د نظافت په برخه کي لازمې او اړینې سپارښتنې وشوې او ترڅنګ یې د لبنیاتو پلورنځیو کارکوونکو ته د لبنیاتو راټولولو، پروسس او جلاکولو په برخه کې لازمې لارښوونې هم وشوې.
ددې څارنې او کنټرول موخه خلکو ته د باکیفیته، صحي او غوره لبنیاتو وړاندې کول دي.
