د ننګرهار دکرنې رییس دکرنې او مالدارۍ خونې رییس او د نیالګیو رزونکو سره وکتل
۱۳ زمری ۱۴۰۳ه.ش
۲۸ مُحَرَّمُ الحَرام ۱۴۴۶ه.ق
د ننګرهار د کرنې، اوبولګولو او مالدارۍ رییس مولوي محمد ولي محسن د کرنې او مالدارۍ د تولیداتو خوني رییس اجمل رحماني او نیالګیو روزونکو مسولینو سره د راتلونکي پسرلي د نیالګیو اړتیا، غوښتنو، اصلاح شوي معیاري نیالګیو روزلو په برخه ناسته ترسره کړه.
د نیالګیو روزونکو ټولنې مشر روح الله مومند د نیالګیو روزونکو ستونزې، لاسته راوړنې، راتلونکي پلانونه او نورو اړونده برخو کې معلومات وړاندې کړل.
نوموړي وویل د نیالګیو روزونکو ټولنې د معلوماتو په اساس د ننګرهار ولایت د اړتیا وړ اصلاح شوي او معیاري مختلف النوع تصدیقي نیالګي روزل شوي خو ورستیو طبیعي پیښو له امله ډېره برخه یې زیانمن شوې ده.
ښاغلي مومند وویل، په ننګرهار کې کوم مؤسسې چې د بڼوالۍ په برخه کې کار کوي، باید د ننګرهار د نیالګیو روزنې ټولنې سره په همغږۍ ددې ولایت څخه تصدیق شوي نیالګي و پیري.
د ننګرهار د کرنې، اوبو لګولو او مالدارۍ رییس مولوي محمد ولي محسن د نیالګیو روزونکو ټولنې مسؤلینو ته د هر راز همکارۍ ډاډ ورکړ. د کرنې رییس زیاته کړه د خصوصي سکتور پیاوړتیا لپاره مو همکارو موسساتو ته جدې لارښوونې کړي.
