ننګرهار کې د طبیعي پیښو زیانمنو بزګرانو او مالدارانو سره په بېلابېلو برخو کې مرستي ترسره کېږي

۱۳ زمری ۱۴۰۳ه‍.ش
۲۸ مُحَرَّمُ الحَرام ۱۴۴۶ه‍.ق
د ننګرهار د کرنې، اوبولګولو اومالدارۍ رییس مولوي محمد ولي محسن د کرنې ریاست تر چتر لاندې همکارو مؤسسو سره د وروستیو طبیعي پیښو زیانمن شوي بزګرانو او مالدارانو لاسنیوي او کارونو ښه والې په موخه ناسته ترسره کړه.
د ننګرهار د کرنې، اوبولګولو او مالدارۍ رییس مولوي محمد ولي محسن د مؤسسو چارواکو څخه په ولسوالیو کې د طبیعي پیښو زیانمنو بزګرانو او مالدارانو سره د مرستو غوښتنه وکړه .
د کرنې رییس د مؤسسو چارواکو ته د عصري او میکانیزه کرنې په موخه پر بزګرانو اصلاح شوي تخمونه، کیمیاوي سرې، بڼوالۍ ترسره کولو، بزګرانو ته روزنیز پروګرامونه جوړول، روڼتیا، کتاري کرنې او عامه پوهاوی په برخو کې د همکاریو سپارښتنې وکړې. 
په همدې حال کې د مؤسسو استازو خپلې ستونزې، ترسره کړو، روانو فعالیتونو او لاسته راوړنو په تړاو د کرنې رییس سره خپل نظرونه شریک کړل.
دغه راز یو شمېر مؤسسو د طبیعي پیښو زیانمنو بزګرانو او مالدارانو سره د اصلا ح شوي تخمونو، کیمیاوي سرو، بڼوالۍ ترسره کولو، کار په بدل کې نغدې پیسو ورکړې، کانالونو جوړولو، حیواني خوراکې او څارویو واکسینونو برخو کې د مرستو کولو ژمنې وکړې.
دغه راز په مومندرې ولسوالۍ کې ۱۸۰ زیانمنو بزګرانو ته د اصلاح شوي تخمونو، کیمیاوي سرو او کرنیزو وسایلو اخیستلو په موخه هر بزګر ته ۳۰۰ ډالره نغدې پیسي هم ورکول کېږي. 
همدارنګه ننګرهار کرنې ریاست د طبیعي پیښو د زیانونو د ارقامو شریکولو او هالینډ کمیټي د پریزنټیشن په بڼه خپلي کړنې، لاسته راوړنې، ستونزي او راتلونکي فعالیتونه شریک کړل .