د پکتیا دکرنې رییس د افغانستان لپاره د ناروې کمېټې چارواکو سره وکتل
۷ زمری ۱۴۰۳ه.ش
۲۲ مُحَرَّمُ الحَرام ۱۴۴۶ه.ق
د پکتیا دکرنې، اوبولګولو او مالدارۍ رییس مولوی سیدامین هاشمي په داسې حال کې، چې ددې ریاست یوشمېر نورو چاروکو هم شتون درلود د افغانستان لپاره د ناروې کمېټې مسوول ښاغلی ټاریا واټرډال او د نوموړي دفتر ولایتيی مسوول رحمت خان سره په وکتل، چې په ترڅ کې یې یادو چارواکو د خپلو تېرو پروژو په اړه راپورونه شریک کړل، او د ۲۰۲۴ کال پروژو په اړه یې راتلونکي پلانونه شريک کړل او زیاته یې کړه چې په نږدی راتلونکې کې به د کرنې په برخه کې یو شمیر پروژې په پکتیا ولایت کې پلي کړی.
ښاغلي هاشمي له دوی سره د چارو د ښه تنظيم او پروژو د اغیزمن تطبيق په برخه کې د هر راز همکارۍ ژمنه وکړه، له دوی څخه یې وغوښتل چې په پکتیا ولایت کې د پروسس مرکزونو، سړو خونو، د ځنګلاتو د احیا د برخې، د معیاری شنو خونو جوړونه، د مالدارانو د ملاتړ او امراضو مخنیوي، د ځمکې لاندې اوبو تغذیې په برخه کې پروژې پلي کړي او ټینګار یې وکړ چې خپل فعالیتونه د کرنې رياست سره په همغږۍ سرته ورسوي.
