لوګر کې یو شمېر مالدارانو سره د څارویو د خوراکي توکو مرسته وشوه

۷ زمری ۱۴۰۳ه‍.ش
۲۲ مُحَرَّمُ الحَرام ۱۴۴۶ه‍.ق
د لوګر دکرنې، اوبولګولو او مالدارۍ ریاست؛ د افغانستان لپاره د هالند کمیتې په همکارۍ ددې د ولایت محمدآغې او څرخ ولسوالیو پر۲۰۰ تنو اړمنو مالدارانو د څارویو خوراکي توکي وېشلي.
د لوګر دکرنې رییس مولوی عبدالرؤف سعید د یادې مرستندویه مؤسسې له مسولینو څخه د مننې ترڅنګ هغوی ته د هر راز همکارۍ ډاډ ورکړ او مالدارانو ته یی په خطاب زیاته کړه کومه مرسته چه تاسو ته درکول کېږي باید تخنیکي لارښونو سره سم خپلو مالونو ته ورکړئ.
باید وویل شي، چې د دې پروسې په لړ کې هر مالدار د څاریو ۱۰۰ کیلوګرامه خوراکي توکي وېشل شوی دی.
په لوګر کې ددغه راز مرستو څخه موخه د مالدارانو لاس نیوۍ، د مالدارۍ سکټور د پیاوړتیا او د لبني محصولاتو د زیاتوالۍ ښودل شوی دی.
ویل کېږي برابرشوي خوراکي توکي له زیاتوتغذیه کوونکو توکوڅخه جوړ شوي دي، چې د وزو، وري او غوا په چاقولو کې به اساسي رول ولري.
هیره دی نوی یادی مرستې په داسې حال کې وېشل کېږي، چې له دې وړاندې د لوګر  مرکزپل اعلم او ځینو ولسوالیو کې مالدارانو ته دغه شان مرستې وېشل شوې وې.