کندهار کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی غونډه
۲۸چنګاښ ۱۴۰۳ه.ش
۱۲ مُحَرَّمُ الحَرام ۱۴۴۶ه.ق
دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد تخنیکي پلاوی رییس مولوي فضل الباري فضلی په مشرۍ غونډه دائره کړه.
د غونډې په پيل کې دکندهار دکرنې رييس او د کمېټې مشر مولوي فضل الباري فضلي لارښوونکې وینا ترڅنګ د پلي شویو چارو ارزونه یې وکړه.
په دې غونډه کې، د یوشمېر عاریضونو عریضې او دوسیې و څېړل شول او ترڅنګ یې د ځمکې غصب مخنیوی کمېسیون ته د موضوع راجع کولو څرنګوالي په اړه خبرې اترې وشې، دغه راز د تخنیکي پلاوي جوړښت او سیمې د پلاوي پر لېږلو، له کمیسیون څخه پر راغلو مکتوبونو، د کندهار ښاروالۍ د ماسټر پلان مطابق د برښنا کوټ سړک او پنجوایي دوه لارې سړک، د ژړۍ ولسوالۍ د کدهل کلي، د لوړ شاوليکوټ ولسوالی د زرتاله کلي، د لوړ مېوند ولسوالی د میرابخور کلي د موضوع په موخه خبرې اترې وشوې.
وروستیو کي تخنیکي پلاوي د یوشمېر مراجعینو املاکي ستونزې په مخامخ ډول واورېدې او د ستونزو د حل په برخه کې یې لازم اجرائت ترسره شول.
