لغمان کې لبني محصولاتو ته د بازار موندنې په موخه د شېدو ټولولو مرکز جوړ شو
۲۳چنګاښ ۱۴۰۳ه.ش
۷ مُحَرَّمُ الحَرام ۱۴۴۶ه.ق
د لغمان د کرنې، اوبولګولو او مالدارۍ ریاست په هڅو د افغانستان لپاره د هالینډ کمیټې په تخنیکي همکارۍ ددې ولایت دعلینګار ولسوالۍ سنګرسیمه کې د شېدو ټولولو مرکز جوړ او ګټې اخیستنې ته وسپارل شو.
دیاد مرکز د لغمان دکرنې ریاست دمالدارۍ او حیواني روغتیا امر ډاکټرجوادالله علیزاده دعلینګار ولسوالی دکرنیزوچارو مدیر محمدشریف ایوبي او د هالینډ کمیټې ولایتي مسؤلینو په حضور کې پرانیستل شو.
د شېدو ټولولو یاد مرکز ته دهالینډ کمیټې له لوري د شیدو راټولولو لوښي، دیخچال ماشین د وزن کولو تله او یو شمېر نور اړینو وسایلو مرسته وشوه.
د یادو مرکزونو جوړولو څخه موخه د مالدارۍ سکتور پیاوړتیا، حیواني محصولاتو ته بازار موندنه، کاري فرصتونو برابرول او د خوړو خوندیتوب رامنځته کول دي.
