د غلام ډاګ مشرانو د ځمکو حل په موخه د ننګرهار دکرنې رییس سره وکتل
۱۲ چنګاښ ۱۴۰۳ه.ش
۲۵ ذیالحِجّة ۱۴۴۵ه.ق
دغلام ډاګ کلي مشرانو د ننګرهار د کرنې، اوبولګولو او مالدارۍ رییس مولوي محمد ولي محسن سره په غلام ډاګ سیمه کې د تېلو پمپ جوړېدو، غلام ډاګ ځمکواو نورو برخو کې د خپلو ستونزو حل په موخه وکتل.
د مخورو په استازولی شیخ احمد خبرې وکړې او دغلام ډاګ په سیمه کې د تېلو پمپ جوړولو، ځمکو قبالو، وګړو زیاتوالي او ګڼو نورو برخو کې خپلې ستونزې شریکې کړې.
شیخ احمد وویل غلام ډاګ ځمکه څلور شرعي قبالي لري، او اوس چې پر کومه ځمکه د تېلو پمپ جوړېږي د همدې قباله یې ځمکو څخه دی.
دا په داسې حال کې ده، چې تېره ورځ د ننګرهار ولایت غصب مخنیوي تخنیکي پلاوي غلام ډاګ ته سفر وکړ او پر سلطاني او مرعي ځمکو د خلکو کارونه ودرول.
د ننګرهار کرنې، اوبولګولو او مالدارۍ رئیس مولوي محمد ولي محسن راغلو مشرانو ته په ټولو قانوني چارو کې د هر راز همکارۍ ډاډ ورکړ.
ښاغلي محسن وویل موږ به د غلام ډاګ دخلکو قبالې او نور اسناد وڅېړو او د وروستي پریکړې په موخه به یې د غصب مخنیوي مرکزي کمیسیون ته واستوو .
