د هلمند ناوه کې د سبو او انګورو غوره حاصلات
۲۴ غویی ۱۴۰۳ه.ش
۴ ذوالقعده ۱۴۴۵ه.ق
د هلمند دکرنې، اوبولګولو او مالدارۍ ریاست وایي، چې ددې ولایت د ناوې په ولسوالی کې د سبو او انګورو حاصلات ښه شوي دي.
د چارواکو په خبره د هلمند دکرنې ریاست له خوا ددې ولسوالی پر یو شمېر بزګرانو د سبو لکه( بېنډۍ، پیاز، رومي بانجان، توربانجان، ملۍ) او د یوشمېر نورو سبو اصلاح شوي تخمونه وېشل شوي دي، چې له امله یې ددې ولسوالی د سبو حاصلات ښه شوي دي.
د کرنې وزارت د هېواد په کچه د بزګرانو د کروندو د حاصلاتو د زیاتوالی په پار پر دوی اصلاح شوي تخمونه او کیمیاوي سرې وېشي او ترڅنګ یې د دوی حاصلاتو ته د بازارموندنې په پار هم هلې ځلې کوي.
