د ننګرهار کانال شرکت کې پر سلګونه هکټاره ځمکه غنم کرل شوي
د ننګرهار کانال شرکت چارواکي وایي، چې سږکال د یاد شرکت پر سلګونه هکتاره ځمکه غنم کرل شوي، چې حاصلات یې د نورو کلونو په پرتله ښه او زرګونه ټنه حاصلات به ترې ترلاسه شي.
د ننګرهار کانال شرکت ترڅنګ د هېواد په ټولو ولایتونو کې سږکال د غنمو کروندې ښه او بزګران ترې خوښ دي.
د افغانستان لويه برخه وګړي په کرنه بوخت دي، هغه سکتور چې د افغانستان په اقتصادي وده کې مهم رول لري.
په همدې موخه د کرنې، اوبولګولو او مالدارۍ وزارت له خوا د اوبو لګولو سيستم ښه کېدل او د نويو او اصلاح شويو تخمونو وېش د دې لامل شوی، چې په دې وروستیو کې د غنمو په ګډون د ځينو کرنيزو توليداتو کچه لوړه شي.
افغانستان چې يو کرنېز هېواد دی، مهم پيداوار يې هم دا غنم دي. وروستی کلونه د غنمو او نورو کرنیزو محوصولاتو زیاتوالي په پار هلې ځلې کېږي، که وچکالي او طبیعي افتونه نه وي، همدا غنم د افغانستان د ډېرو وګړو دسترخوانونه غوړيدلي ساتلي شي.
