پکتیا والي سره ددې ولایت د ځمکو غصب مخنیوی کمېټې لیدنه

١۸ غویی ۱۴۰۳ه‍.ش
٢۸ شَوّال المُکَرَّم ۱۴۴۵ه‍.ق
د پکتیا ولایت د ځمکو غصب مخنیوی او غصب شویو ځمکو بېرته راګرځولو تخنیکي پلاوی رییس مولوی عبدالرؤف سعید او د یاد پلاوي غړو د پکتیا والي الحاج ملا مهر الله حماد سره په کتنه کې پر بېلابېلو موضوعاتو خبرې اترې وکړې.
پۀ پيل کې د پکتیا ولایت د غصب مخنیوي او غصب شویو ځمکو د تشخیص او تثبیت تخنیکي پلاوي رییس مولوي عبدالرؤف سعید د تخنیکي پلاوی د چارو او ترسره شویو کړنو په هکله معلومات وړاندې کړل او ورپسې د ياد پلاوی غړو د عامه ملکیتونو او دولتي ځمکو د غصب د مخنیوي د نافذه مقررې او کړنلارې په اړه خبرې وکړې، چې پۀ ترڅ کې يې خپل نظرونه له یو بل سره تبادله کړل.
د غونډې په ترڅ کې د تخنیکي پلاوی غړي او د پکتیا عدلیې رییس مولوي محمد محمدي  مرکز کې د جوړ شوي څو ورځني سمينار پۀ اړه مالومات، کړنلاره او د مشرتابه محترم مقام حکمونه له پکتيا والي سره شريک کړل.
په همدې حال کې د پکتيا والي د ياد تخنیکي پلاوي کړنې او فعالیتونه وستايل او په  اړوند برخه کې یې د ياد پلاوي غړو ته لازمې سپارښتنې وکړې، چې د ولسونو ستونزو ته پروخت رسېدنه ووشي.