کندز کې د طبق ناروغۍ پر وړاندې د واکسین کمپاین پیل شو
۸ غویی ۱۴۰۳ه.ش
۱۸ شَوّال المُکَرَّم ۱۴۴۵ه.ق
د کندز د کرنې، اوبولګولو او مالدارۍ ریاست ددې ولایت په مرکز او امام صاحب ولسوالۍ کې د طبق ناروغۍ پر وړاندې د واکسین کمپاین پیل کړی دی.
دغه کمپاین د کندز ولایت د کرنې، اوبولګولو او مالدارۍ ریاست سره په همغږۍ د راه نوین پرمختیایې د فتر په همکارۍ د مرکز او امام صاحب ولسوالۍ په مربوطاتو کې په لاره اچول شوی دی.
د یادونې وړ ده چې په یاد کمپاین کې د کندز ولایت د کرنې، اوبولګولو او مالدارۍ ریاست د مالدارۍ آمریت د استازي او د یاد دفتر د مسوولینو تر څارنې لاندې ۵۵۶ غواګانې به د طبق ناروغۍ په وړاندې واکسین شي.
ددې واکسین موخه د څاریو خوندیتوب او په دې ولایت کې د لبني توکو زیاتوالی ښودل شوی دی.
