د خوست د مرکزي بڼ د اوبو ستونزه هواره شوه
۸ غویی ۱۴۰۳ه.ش
۱۸ شَوّال المُکَرَّم ۱۴۴۵ه.ق
د خوست دکرنې، اوبولګولو او مالدارۍ ریاست ددې ولایت د مرکزي بڼ د خوړوبولو د ستونزې هوارولو په پار هلې ځلې پیل کړي دي، چې په ترڅ کې یې یاد بڼ لپاره د ژورې څاه کیندنې چارې بشپړ او ګټې اخیستنې ته وسپارل شوه.
د خوست دکرنې رییس مولوی محمد زمان عمري وویل، چې د خوست د مرکزي بڼ د اوبو ستونزې د هوارولو په پار د ژورې څاه کیندنې چارې بشپړ شوي، چې ورسره به دیاد بڼ مېوه لروني او بې مېوې ونې، سابه او نور کرنیز توکي خړوبه او په دې برخه کې به د یاد بڼ ستونزې هوراې شي.
ددې پروژې په پلي کېدو سره د یاد بڼ د خوړوبولو ستونزې هوارې او ترڅنګ یې د بڼ زرغونتیا ته زمینه برابره شوې ده.
د خوست دکرنې رییس دغه راز وویل، چې ددې ولایت دکرنې او مالدارۍ د ودې او پراختیا په پار د یوشمېر نورو پروژو چارې هم روانې دي، چې ډېر ژر به یې رغنیزې چارې بشپړ او ګټې اخیستنې ته به وسپارل شي.
