لغمان کې پر ۱۴۰ اړمنو کورنیو د مرخېړیو روزنې توکي ووېشل شوه
د لغمان د کرنې، اوبولګولو او مالدارۍ ریاست په هڅو د لغمان مرکز مهترلام په ګډون ددې ولایت د «علینګار، علیشنګ، دولتشاه او قرغه یي» کې د افغان نابینایانو د سمون مؤسسې په تخنیکي همکارۍ ۱۴۰تنو هغه مېرمنو ته چې د کورنۍ د نفقي پیداکولو مسولیت ور تر غاړي دي د دوی د اقتصادي پیاوړتیا په پار د مرخیړیو تخمونه او دروزنې توکي وېشل شوي دي.
د چارواکو په خبره علیشنګ کې ۴۴، دولتشاه کې ۴۸، قرغه یې کې ۱۳، مهترلام کې ۱۲ او علینګار کې ۲۳ ښځینه بزګرانو ته د مرخېړیو تخم، یو عدد ترپال، مړه چونه، پلاستیک، ترمامیتر، بوس، د اوبو ډرم او آب پاش وېشل شوي دي.
د مرخېړیو تخمونو د ورکړې موخه دا ده ترڅو په کور دننه بېوزله کورنیو ته د کار زمینه برابره شي؛ د خوړو خوندیتوب رامنځته او کورنۍ پر ځان بسیا شي.
دغه راز د مرخیړیو ترویج او ښي روزنې په برخه کې مختلف روزنیز پروګرامونه هم یادو کسانو ته ورکول کېږي.
ددغو مرستو موخه په دې ولایت کې د مرخیړیو ترویج او روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته په کور دننه زمینه برابرول دي.
