ننګرهار کې پر زرګونو مالدارانو د څارویو خوراکي توکي وېشل کېږي
۹ وری ۱۴۰۳ه.ش
۱۸ رَمَضانُ المُبارَک ۱۴۴۵ه.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو مؤسسو د روانو او ترسره شویو کړنو په اړه خبرې اترې وکړې
په دې کتنه کې د اکشن اېډ مؤسسې مسوول عبدالواسع حنفي د اکشن اېډمؤسسې د ترسره کړو، روانو او راتلونکي کړنو په تړاو د ننګرهار د کرنې، اوبولګولو او مالدارۍ رییس سره معلومات شریک کړل.
ښاغلي حنیفي وویل دوی په ننګرهار کې کورنیو ته د مرخېړیو سپورونه، بزګرانو ته د سویابینو تخمونه، کیمیاوی سرې، متراکمه حیواني خوراکه، وړې شنې خونې او د شاتو مچیو صندوقونه پر بزګرانو ویشلي او ۲۷۵۰ کسانو ته دکار په مقابل کې د نغدو پیسو د کار لړۍ روانه ده.
نوموړي زیاته کړه په نږدې ورځو کې د بټي کوټ، رودات، کوټ او شینوارو ولسوالېو ۲۴۰۰ مالدارانو ته د حیواني خوراکې ویش په پار سروي پیلوي.
دغه راز د هلال هډوال کرنیز شرکت د ختیځ زون مسؤول ډاکتر عبدالغفار لودین په ننګرهار کې غله جاتو، سبو هایبرایډ تخمونو تولید، د غنمو کرل شویو کروندو د غوره حالت او ښو تخمونو تولید او تکثیر په موخه دفني همکاریو غوښتنه وکړه.
په همدې حال کې د ننګرهار کرنې، اوبولګولو او مالدارۍ رییس مولوي عبدالستار محمد راغلو مسؤلینو ته په کارونو کې روڼتیا، د مستحقو مالدارانو ټاکلو ترڅنګ د هر راز همکاریو ډاډ ورکړ.
