د ننګرهار کانال شرکت کې د کرنې میکانیزه کولو په پآر هڅې

۲۷ کب ۱۴۰۲ه‍.ش
۷ رَمَضانُ المُبارَک ۱۴۴۵ه‍.ق
د ننګرهار کانال شرکت ددې شرکت اړوندو فارمونو کې د میکانیزه کرکیلې په پار هلې ځلې پیل کړي دي، چې ورسره به د یاد شرکت د کرنیزو محصولاتو کچه زیاته او عواید به یې لوړ شي.
د ننګرهار کانال شرکت رییس مولوی غلام الرحمن کظیم وویل، چې ددې شرکت اړوندو ځمکو کې د میکانیزه کرکیلې په موخه هلې ځلې پیل کړي دي، چې د کرنې میکانیزه کولو سره له شتو کروندو څخه پراخه حاصلات په لاس راځي.
ښاغلی کظیم وویل: «د اقلیم بدلون او وروستیو کلونو وچکالۍ پر کرنې هم ناوړه اغېزه کړې، خو موږ وروستیو ورښتونو هیله من کړي یو، چې دا کال به له خپلو ځمکو ښه حاصلات ترلاسه کړو».
دا په داسې حال کې ده، چې دکرنې، اوبولګولو او مالدارۍ وزارت هلې ځلې کوي، چې د هېواد په کچه دودیزه کرکېله په میکانیزه او معیاري کرکېله واړوي.