دکندهار ډنډ کې سلګونو مالدارانو سره د څارویو د خوراکي توکو مرسته وشوه
۲۸ سلواغه ۱۴۰۲ه.ش
۶ شَعبان المُعَظّم ۱۴۴۵ه.ق
د کندهار دکرنې، اوبولګولو او مالدارۍ ریاست د افغانستان پرمختیایي مؤسسې په همکارۍ ددې ولایت د ډنډ ولسوالی پر ۱۰۰۰ مستحقو مالدارانو د څارویو خوراکي توکي وېشلي دي.
د کندهار دکرنې ریاست چارواکي وایي، چې ددې مرستې په ترڅ کې پر ۱۰۰۰ مالدارانو د څارويو د خوراکي توکو د وېش ترڅنګ ۱۵ زره څارویو ته د چنجیو ضد درمل هم ورکړل شوي دي.
ددې مرستې موخه د بېوزله او مستحقو مالدارانو ملاتړ او په ټوله کې ددې ولایت د مالدارۍ سکټور ودې او پراختیا ته زمینه برابرول دي.
