لغمان کې د وټرنرۍ سیمه ییز واحد سره مرسته وشوه
د لغمان دکرنې، اوبولګولو او مالدارۍ ریاست چارواکي وایي، چې په دې ولایت کې مالدارانو ته د چوپرړتیاوو وړاندې کولو او په ټوله کې د مالدارۍ سکټور د ودې او خوندیتوب د هلوځلو په دوام د ډاکار مؤسسې په همکارۍ ددې ولایت د الینګار په ولسوالی کې د وټرنرۍ له سیمه ییز واحد سره د اړینو توکو مرسته وشوه.
د لغمان دکرنې ریاست د چارواکو په خبره له دې سیمه ییز واحد سره د یو پایه لمریز یخچال، مکمل لمریز سیستم، د وترنري تخنیکي بسته، لوجستیکي بسته او ګڼ نورو توکو مرسته وشوه، ترڅو مالدارانو ته ښه او بهتره خدمات وړاندې کړي.
د لغمان دکرنې، اوبولګولو او مالدارۍ ریاست هلې ځلې کوي، چې د مرستندویو مؤسسو په همکارۍ ددې ولایت بزګرانو او مالدارانو ته د چوپړتیاوو وړاندې کولو په پار اغېزمنې پروژې پلي کړي.
