خوست کې پر څه باندې ۷۸۰ بزګرانو د کورنیو باغچو اړونده توکي ووېشل شول
د خوست د کرنې، ابولګولو او مالدارۍ ریاست د افغانستان لپاره د ناروې کمېټې په همکارۍ ددې ولایت د علیشېر او تریزیو او نادر شاه کوټ ولسوالۍ پر۷۸۱ ګټه اخیستونکو د کورنیو باغچو اړوند پنځه ډوله توکي او کرنیز نخمونه وېشلي دي.
ددې مرستې په لړ کې د علیشېر او ترېزو ولسوالی پر ۴۹۹ او د نادر شاه کوټ ولسوالی پر ۲۸۲ کروندګرو د کورنیو باغچو اړونده توکي وېشل شوي دي.
د کورنیو باغچو اړونده دا توکي د غیر موسمي سبو د تولید، مېرمنو ته د کارموندنې، د مېرمنو ونډه د دوی د کورنیو په اقتصادي غوړېدا او د خوراکي تنوع په پار پر دغو بزګرانو وېشل شوي دي.
د خوست ولایت د کرنې ریاست وایي، چې د دغو توکو له وېشلو څخه موخه، د غیرموسمي سبو کښت او تولید دي چې، په عملي کېدو سره یې مېرمنو او بېوزله بزګرانو ته د کار زمینه برابره او د دوی د کورنیو د اقتصادي ودې لامل کېږي.
