د کندهار دکرنې رییس ددې ولایت له یوشمېر سیمه ییزو چارواکو سره وکتل
۱۷ مرغومې ۱۴۰۲ه.ش
۲۵ جُمَادَى الثاني ۱۴۴۵ ه.ق
دکندهار دکرنې، اوبولګولو او مالدارۍ رییس الحاج مولوی فضل الباري فضلي د کندهار دسوداګرۍ خونې رییس حاجي صدیق مهمند، د کندهار ښاروال ملا حکمت الله اخند، د سوداګرو د ټولنې رییس شیرین آغا او د ټولنې چارواکو سره د خپل کار په دفتر کې د کتنې په ترڅ کې پر بېلابېلو موضوعاتو خبرې اترې وکړې.
په دې غونډه کې یادو چارواکو د نورو موضوعاتو ترڅنګ د عینو مېنې د ښارګوټي د لاپراختیا او سمسورتیا په پار خبرې وکړې او ویې ویل، چې سوداګر او خلک باید وهڅول شي، چې په یاد ښارګوټي کې پانګونه وکړي، ترڅو یو معیاري ښارګوټی شي.
په دې غونډه کې دغه راز اړوندو چارواکو د هر اړخیزو همکاریو د ژمنې ترڅنګ په دې برخه کې د جدي هلو ځلو ډاډ ورکړل.
