د لغمان د عشر او زکات راټولولو چارواکو باد پښ ولسوالی ته کاری سفر وکړ
۹ مرغومې ۱۴۰۲ه.ش
۱۷ جُمَادَى الثاني ۱۴۴۵ ه.ق
د لغمان دکرنې ریاست دعشر او زکات امر قاري ذبیح الله هشام، د عشر اوزکات دعوایدو دتنظیم او محاسبې امر پیرنقیب الله فضلي، د راپور مدیر محمدعمران ترغیبي او دعشر اوزکات عبوري مدیر مولوي محمد ادریس بادپښ ولسوالی ته د سفر په ترڅ کې ددې ولسوالی له ولسوال قاري نورګل سره په کتنه کې پر یوشمېر موضوعاتو خبرې وکړې.
یاد پلاوی ددې سفر په ترڅ کې د دغې ولسوالی د عشر او زکات راټولولو عاملینو ته د کار چټکتیا او له خلکو سره د ښه چلند اړوند لازمې لارښوونې وکړی او د هغوی ستونزې یې واوریدې او د حل ډاډ یې ورکړ.
