د کونړ نورګل کې یوشمېر اړمنو کورنیو سره مرستې وشوې
١١ لیندۍ ۱۴۰۲ه.ش
١٩جُمَادَى الأول ۱۴۴۵ ه.ق
د کونړ دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د افغانستان د راتلونکو نسلونو مؤسسې په تخنیکي همکارۍ ددې ولایت د نورګل ولسوالی پر ١٥٠ اړمنو کورنیو نغدې مرستې وېشلي دي.
ددغو مرستو په وېش غونډه کې د کونړ دکرنې رییس مولوی شیرآقا پیر حبیب الرحمن وویل، چې ددې مرستې په لړ کې هرې کورنۍ ته ٧١٦٣ افغانۍ ورکول کېږي.
ددې مرستې موخه د بېوزله او اړمنو کورنیو ملاتړ او په ټوله کې د یادو کورنیو د خوړو خوندیتوب ته زمینه برابرول دي.
