ننګرهار کې د ځمکې غصب مخنیوی او غصب شویو ځمکو بېرته راکرځولو تخنیکي پلاوی کړنې

د ننګرهار ولایت د اماراتي، سلطاني، مرعي او وقفي ځمکو د  غصب مخنیوی او غصب شویو ځمکو بېرته راکرځولو تخنیکي پلاوي غړي په دې ولایت کې د ځمکې غصب مخنیوی او بېرته راګرځولو په پار هلې ځلې کړندي کړي دي.
ددغو هلو ځلو په دوام د ننګرهار ولایت د امارتي، سلطاني، مرعي او وقفي ځمکو د  غصب مخنیوی او غصب شویو ځمکو بېرته راګرځولو تخنیکي ټیم د ننګرهار د مومندرې ولسوالی ډکې سیمه له نږدې وکتله؛  چې پدې لیدنه کې د ننګرهار ولایت دغصب مخنیوی تخنیکي پلاوي رییس مولوي عبدالستار محمد سربېره، د سرحداتو رییس، حج اوقافو رییس، د جلال اباد ښاروالۍ مرستیال، د امنیه قومندانۍ مرستیال،  قضایایې امارت امر او کدستر انجینرانو حضور درلود.
 د ننګرهار د کرنې ادارې او تخنیکي پلاوي رییس مولوي  عبدالستار محمد په مشرۍ دغصب مخنیوی تخنیکي پلاوی مومندرې ډکې او د غصب اړوند ګڼو نورو مهمو موضوعاتو باندې لنډ بحث او رڼا واچول شوه.
دغه راز د غصب مخنیوي تخنیکي پلاوي د تخنیکي او مسلکي کسانو په مرسته د کدستري نقشو له مخي د ډکې سیمي حدود، نوعیت، کروکي، سکیج، او حد فاصل معلوم  کړ.
همدارنګه په یاده سیمه کې د اتمانزو او حسین خېلو کوچیانو ترمنځ ستونزه پیښه شوې وه او د ځمکو د ملکیت ادعا لرله خو د کدستري نقشو له کتلو وروسته یاده ځمکه په دوه قطعو کې چې ۱۲۰۰ جریبه ده د امارت په نوم ثبت وه .
باید وویل شي، چې د یادو قومونو سره هیڅ ډول اسنادو شتون نه درلوده، نو ټولو ته سپارښتنه وشوه ترڅو پدې سیمه کې خپلسرې کړنې ترسره نکړي.
 د ننګرهار ولایت د ځمکې د غصب مخنیوی او غصب شویو ځمکو د بېرته راګرځولو تخنیکي پلاوي تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.